قرأت هذا الخبر بالصدفة البحته على موقع مصراوى
أجمل مافى الموضوع هو تعليقات القراء لم أتمالك نفسى من
الضحك عندما قرأت التعليقات
أرجوكم أن تقرأو ا المقال جيدا قبل قراءة التعليقات
المقال طويل وأنا أكتفيت ببعض الفقرات منه
وأحلى تعليق هو الأخير(طبعا من الناحيه الطبيه)
واللى عندوا تعليق الطف يقوله...
طبيب مصرى يعلن انشاء جمعية لمنع القبلات بين الأزواج
في تقليعة جديدة لا يعرف أحد الهدف منها أعلن دكتور عادل عاشور أستاذ
طب الأطفال بكلية الطب جامعة القاهرة عن رغبته في انشاء جمعية لمنع
القبلات بين الأصدقاء و زاد على ذلك بإعلان رغبته في منع القبلات بين
الأزواج و هو الأمر الذي بدا غريبا وفجر المناقشات داخل المجتمع
و عن السبب الرئيسي في طرحه فكرة إنشاء الجمعية أكد دكتور عادل أن
كافة الأبحاث العلمية التي نشرت في كبرى المجلات الطبية العالمية
أجمعت على الأضرار الطبية الخطيرة التي يسببها تبادل القبلات من خلال
انتشار العدوى من الأمراض الخطيرة الفيروسية و الميكروبية وأبرزها
الأمراض الجلدية و يأتى على رأسها حب الشباب و من الأمراض الميكروبية
مثل مجموعة الميكروبات العنقودية و هي ميكروبات موجودة في فم الإنسان
كذلك الحمى الشوكية و الأمراض الفيروسية التي تنقلها القبلة أيضا مثل
الزكام و الرشح والتي يجب عدم الاستهانة بها حيث قد تصيب الخلايا
المبطنة لخلايا ا لمخ و ينتج عنها ارتفاع شديد في درجة الحرارة يصعب
السيطرة عليها و قد تؤدى الى الوفاة في بعض الأحيان أيضا التهاب الغدة
النكفية و كذلك الحصبة الرمادية و الألمانية و الفيروسات الكبدية و
أكد أن الجمعية تضم في عضويتها كافة التخصصات الطبية لشرح الآثار
وعن رأى الدين في أهداف هذه الجمعية أكد الدكتور إسماعيل معروف بجامعة
الأزهر أن تعاليم الدين الأسلامى تحرم القبلة في غير الإطار
الزوجي وقد أكد العلم على وجود إضرار جسيمة لذلك
وعن أراء المواطنين حول هذة الجمعية المزمع إنشاءها تنوعت الآراء بين
الرفض و القبول هدى محمد طالبة بكلية العلام وصفت الإعلان عن الجمعية
بأنه كوميدي و لا يهدف سوى الى لفت النظر الى القائمين عليها إذ افتقد
الإعلان عن منع القبلات الأساليب التي سوف تتبع للتأكد من حدوث هذا
هذا كلام فاسد و باطل بدون تردد ، و معارض لصحيح السنة النبوية ، فقد
ثبت أن النبي صلى الله عليه و سلم كان يقبل زوجاته ، و كان يقبل
السيدة فاطمة و الحسن و الحسين رضي الله عن الجميع ، و أفتى للشيخ
أنصح الدكتور أن يبيع لب و يبطل تخاريف .
ــــــــــــــــــــــــــــــــــــــــــــــــــــــــــــــــــــــــــــ
وانا اقول الرئيس البوسنى مات ليه؟؟
ـــــــــــــــــــــــــــــــــــــــــــــــــــــــــــ
واحد يحرم البوسة بين الأزواج ، وواحد يحلل إن الواحدة ترضع زميلها ،
ما ترسونا على بر نرضع وما نبوسش ولا نبوس وما نرضعش
ـــــــــــــــــــــــــــــــــــــــــــــــــــــــــــــــــــــــــــــــــــــــ
الدكتور ده اكيد معندوش شفايف
ــــــــــــــــــــــــــــــــــــــــــــــــــــــــــــــــــــــــــ
كل حاجة بقت مشكوك فيها وبتجيب امراض حتى البووووس اظاهر كل واحد
حيروح يبوس نفسة فى المراايا
ـــــــــــــــــــــــــــــــــــــــــــــــــــــــــــــــــــــ
روح شوف العيش المسرطن ولا الشيبسى ولاالمياه المجارى ولا الخضروات
المسرطنه والهرمونات ولا..ولا...ولا..ولا...ولا وبعدين اتكلم على البوس
ـــــــــــــــــــــــــــــــــــــــــــــــــــــــــــــــــــــــــــــــــــــ
فعلا فعلا الدكتور ده يستاهل بوسه ف بؤه مش بوسه واحده لا
ده يستاهل 80مليون بوسه من 80 مليون بوووؤ عشان تجيله كل الامراض اللى
ــــــــــــــــــــــــــــــــــــــــــــــــــــــــــــــ
نحن جمعية هنبوس هنبوس حتى لو البوس بفلوس وياريت الدكتووووور
ـــــــــــــــــــــــــــــــــــــــــــــــــــــــــــــــــــــــــــــــــــــ
الحياة من غير بوس زي قله من غير مايه
ــــــــــــــــــــــــــــــــــــــــــــــــــــــــــــــــــــــــــــــــــــــــــ
مش عارف اقول أية مش كفاية مش لاقين نتجوز كمان اللى مجوزين مش
حايبوسوا طب دة نسمية أية ؟؟؟؟؟؟؟؟؟؟؟؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــ
اليوم تقليعة البوس ينقل الامراض الجلدية وبكرة لاتلمس جسد زوجتك لمنع
انتشار الامراض الجلدية وبعد غدا يستحسن ابادة صنف النساء انكم تسعون
لتحريم الحلال(واضح ان البوس عامل مشكلةللدكتور)اقولك حاجةاعمل زي
اللمبي بلغ لجنة حقوق الانسان
ــــــــــــــــــــــــــــــــــــــــــــــــــــــــــــــــــ
طيب ولما رغيف العيش يقع على الارض اجيبه وابوسه ولا غلط
يا حلاوة على العلم واللي بيتعلموه
واحب اقول لسعادة الدكتورة الفاضل ادرسلك حاجة تنفعك احسن وسيب الناس
ــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــ
انا عايزه اطمن الدكتور ده واقوله انه ولله الحمد معظم الازواج فى مصر
مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز
وندفع دم قلبنا ولاد وبنات علشان نبوس !! ايه المسخره ديه !!!
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يعنى لو واحدة اسمها بوسى تغيرة ويبقى متبوسيش بس كدة اتحلت خلاص
مع تحيات شركه متبوسيشى لانسر
يا عم بوس اية اللى عايز تمنعة؟؟
على رأى الفنان محمد رضا:مش هنبوس بقى
ــــــــــــــــــــــــــــــــــــــــــــــــــــــــــــــــــــــــــــــــــــــــ
ممكن كل واحد قبل ما يبوس البت بتاعته يتمضمض بمحلول 'البيتادين'ويدهن شفايفه بردو بمحلول 'البيتادين'وبعد ميخلص البوسه يتف تلات مرات ويشرب كباية ....أكيد 'بيتادين'... ربنا يشفيكم
موضوع: الحق بوس قبل مايمنعو البوووووووووووس 
الخميس يوليو 03, 2008 11:43 pm
